Wednesday, December 22, 2010

SBU ගැන්සිය



2010.12.19 දා තිබුනු SBU සුහද හමුවේ සමූහ ඡායාරූපය දැක්කම හිතට පුදුම සතුටක් දැනෙන්නේ. කොටින්ම කිව්වොත් ඇඩෙනවා. ඇඩෙන්නනම් හේතූ 2ක් තියෙනවා. එකක් මේ ඉන්න SBU සහෝදරයෝ දැක්කම ඇති වෙන සතුටට. අනිත් හේතුව එන්න බැරිවුන එක. මොනවා කරන්නද වැකේෂන් එක සෙට් වුනේ ලබන අවුරුද්දට. මොනවා වුනත් වැඩේ මල් හතයි. අපිට ඉතින් කියන්න තියෙන්නේ SBU ගැන්සිය සදා වැජබේවා කියලා තමයි.....

Wednesday, November 17, 2010

යාලුවෝ ඕනම ද ?


යාලුවෝ ඕනම ද ? ඇත්තෙන්ම ඕන. හැබැයි දුකේදී සැපේදී දෙකේදිම ඉන්න යාලුවෝ.

සමහරු හිතනවා ඇති මම මොකද මේ වගේ දෙයක් ලියන්නෙත් කියලා. ඕනම කෙනෙක්ට හිතට එන දේ ලියන්න පුලුවන්. ඒකට කාගෙන්වත් ප්‍රශ්නයක් නෑ. අද නම් අපට නිවාඩු. ඒකයි මට මගේ යාලුවන් වෙනුවෙන් මේක ලියන්න හිතුනේ. කොටින්ම කිව්වොත් මම මේක ලියන්නෙත් මගේ යාලුවෙක්ගෙ Lap එකෙන්. කොහොම වුනත් හැමෝම දන්නවා මගේ යාලුවෝ ගැන්සිය ගැන.

කොහොම වුනත් අපි සමාජයේ සැරිසරද්දි නොයෙකුත් ජාතියේ මිනිස්සු හමු වෙනවා. අපි දැන ගන්න ඕන අපට සුදුසු තත්වෙට ගැලපෙන අය ආශ්‍රය කරන්න. මොකද එහෙම නැතිවුනොත් අපිට මේ ගගක් වගේ ගලා යන ජීවීතේ මාලුවෙක් වගේ පීනගෙන ගිහින් ලස්සන අත් විදින්න බැරි වෙනවා.මොකද අපේ මල්ලියෙක් කිව්වා වගේ ජීවිතේ කියන්නේ කවියක්. ඒ කතාව නම් හරියට හරි.

කොහොමත් මගේ පාසල් කාලයේ ඉදන් හොද යලුවෝ සෙට් එකක් හිටියා. අදටත් අපි ඉන්නේ එකට. අපේ ජිවිත ගොඩාක් ලස්සන වුනේ අපි එකතු වෙලා වැඩ කරද්දි. ඒ කාලේ ගොඩාක් ලස්සනයි. අදටත් අපි ටික එකට එකතුවෙලා වැඩ කරනවා. හබැයි දැන් ඉස්සර වගේ මුන ගැහෙන්නවත්, සෙට් වෙන්නවත් කාලයක් නෑ. මොකද අපි කරන ‍රැකියාවන් එක්ක අපේ කාලය සීමා වෙලා.

මට ඉස්කෝල කාලෙදි වගේම, මම නයින්හාට්ස් වැඩ කරද්දිත් හොද යලුවෝ ටිකක් සෙට් වුනා. ක්ලාස් එකේදී, කැම්පස් එකේදී, සෙට් වුන අයගෙන් අදටත් මාත් එක්ක හොද මිනිස්සු ටිකක් ඉන්නවා. ඒ වගේම තමයි මේ බ්ලොග් සංසදයේ ඉන්න අපේ වැඩ්ඩෝ ටිකත්. මට හැම වෙලේම මේක කරන් යන්න අත දුන්නේ එයලා. මම මෙහෙම ලියන්නේ මේ බිත්ති හතරට තනි වෙලා තනියම ඉන්න වෙලාවට මගේ යාලුවෝ සෙට් එක මතක් වුන නිසා. කවමදාවත් එයාලගෙන් මට ලැබුනු කරුණාව, දයාව, ආදරය කවදා නැවතත් ලැබෙයිද කියලා මම දන්නේ නැති නිසා. මම මුලදිම කිව්වනේ ගලාගෙන යන ගංගාවේ මාලුවෝ ගොඩාක් ඉන්නවා කියලා.......

මේ දවස් ටිකේ අපට නම් නිවාඩු. ලංකාවේ එහෙම මෙහෙම නිවාඩුවත් සෙට් වුනොත් මලා තමයි. මොකද ගජයෝ ටික ඔක්කොම එනවා මාව කැන්දන් යන්න. කවුරු කොහොමත් හොදට කන බොන මිනිස්සුන්ට වෙන්නේ ඕකම තමා. කවුරුත් නොකීවාට. මොනවා වුනත් හැමදාම ලගින් ඉන්න එක යාලුවෙක් වත් ඉන්නවා කියන්නේ ඒක ලොකු වාසනාවක්. මට මේ අලුත් නවාතැනත්, සමාජයත් අලුත් අත් දැකීමක්. මෙහෙදීත් මට ගොඩාක් මිනිස්සු මුන ගැහෙනවා. බලමු මම යාලුවන් වෙනුවෙන් ලියන ඊලග ලිපියට මෙහෙනුත් සෙට් එකක් එකතු වෙයිද කියලා. මොකද අපි සල්ලි හම්බ කරන්න, ‍රැකියා කරන්න, වෙන ඕනම දෙයක් කලත් අන්තිමට ඉතුරු වෙන්නේ දුකේදී සැපේදී එකට ඉන්න පුලුවන් යාලුවෝ ටිකක් විතරයි. අනික අපි ඉගෙන ගන්න දේ මේ මොන දේ නැති වුනත් අපිව තනි කරන්නේ නෑ..........

Sunday, October 24, 2010

කැමතිද ? ලිනක්ස් Live USB එකක් හදා ගන්න.....

මුලින්ම කියන්න එපැයි මේ ලිපිය අමුන ගත්තේ ඔපන් සොර්ස් (Open Source) ආර්ටිකල් එකකින්. ඒකටත් හේතුව අපේ අශෝකයාගේ හොර වැඩක්. කොහොම වුනත් ඌ නිසා මට ඔයාලට මේකත් කියලා දෙන්න පුලුවන්. (අශෝක කියන්නේ මගේ පරන ඔපිස් එකේ බොක්කක්)

මුලින්ම කරන්න තියෙන්නේ UNetbootin කියන මෘදුකාංගය බා ගන්න එක. ආය ubuntu, fedora, kubuntu වගේ ලිනක්ස් ඔපරේටින් සිස්ටම් වල image file මේ වැඩේට ඕන. ඔයාලට මේ softwares free ගන්න පුලුවන්.

free software මෙතනින් ගන්න. ubuntu 10.10 32bit, ubuntu 10.10 64bit, UNetbootin

ඔන්න දැන් අපි වැඩේට බහිමු. ඔයාලා මුලින්ම අර උඩ තියෙන file ටික download කර ගන්න. download කර ගත්ත UNetbootin file එක run කරන්න.

හරි, දැන් මම Ubuntu දාන හැටි කියලා දෙන්නම්. මේ run කරපු application එකේ select distribution කියන තන ubuntu කියලා select කරන්න. select version කියන තන ubuntu 10.04_Live කියලා select කරලා, type කියන tab එකේ USB Drive වල Drive letter එක දීලා අපට කෙලින්ම iso file එක download & Install දෙකම කරන්න පුලුවන්. ඒ විදියට මේක කරන්න ගියොත් හෙට එලි වෙයි. ඒකයි මම කලින්ම කිව්වේ iso එක download කර ගන්න කියලා. ඒක කරන්නේ මෙහෙම

ඒ නිසා අපි කෙලින්ම download කර ගත්ත iso එක දාලා වැඩේ කරමු. Disk Image කියන තැන select කරලා ISO ‍තෝරා ගන්න. type කියන තැන USB Drive select කරලා අදාල drive letter එක දෙන්න. දැන් ok කරන්න. පහල රූපය බලන්න.


දැන් ok කලාට පස්සේ පහල තියෙන රූප සටහනේ වගේ යනවා කියන්නේ ඔයාලා වැඩේ සාර්ථකව කරලා තියෙනවා කියන එක. complete වුනාට පස්සේ restart වුනාම pen drive එකෙන් boot කරලා බලන්න.

Wednesday, October 20, 2010

CCENT Certification නොහොත් ඇතුල්වීම


ඔන්න ඉතින් මමත් පටන් ගත්ත ගමන්ම වඩේ නා ගත්තා. මොකද මම CCNA ගැනනේ කතා කලේ. මටත් අමතක වුන Entry Level Exam එක ගැන. මොකද මේ Exam එක කරන අය අඩුයි. ගොඩාක් අය කරන්නේ කෙලින්ම CCNA කරන එක. අනිත් එක ඉතින් අපේ අය හරි දක්ෂයිනේ ලොකු වැඩ කරන්න. අපි බහිමු වැඩේට....

CCENT කියන්නේ Cisco Certified Entry Networking Technician කියන එක. cisco මේ වගේ entry level එකක් හදලා තියෙන්නේ නෙට්වර්ක් වලට මුලින්ම අතුල් වෙන අයට ඒ පිලිබද හොද ආරම්භයක් ලබා දෙන්න. නැත්නම් වෙන්නේ පටන් ගද්දිම එල්ලිලා මැරෙන්න.

CCENT වලදී සාමාන්‍ය තරමේ නෙට්වර්ක් (Small Enterprise Network) ගැන හොද දැනුමක් ලැබෙනවා. නෙට්වර්ක් ස්ථාපනය කරන හැටි, troubleshoot කරන හැටි, ඒ ඇරුනම Network security, WAN, Wireless ගැනත් සාමාන්‍යයෙන් හොද දැනුමක් ලබා ගන්න පුලුවන්. ඒ වගේම CCNA වලට ඇතුල් වෙන්න ගොඩාක් ලේසි වෙනවා. හැබයි තව දෙයක් තියෙනවා ටිකක් මහන්සි වුනොත් CCNA දාගන්න එකයි හොදම දේ. මොකද නැත්නම් පාර වදින්නේ අපේ සාක්කුවට.

වැඩි විස්තර මේ අමුනලා තියෙන ලින්ක් වලින් ගන්න. මමත් ගොඩාක් විස්තර ගන්නේ cisco official site එකෙන්. ඔයාලට මේ exam වලට ඕන කරන study materials, dump, questions ඕන නම් කියන්න. මම දන්න විඩියට help එකක් දෙන්නම්.

මේ ලින්ක් ක්ලික් කරලා තොරතුරු බා ගන්න.....

CCENT Notes
Part 1 - Networking Fundamentals
Part 2 – LAN Switching
Part 3 – IP Routing
Part 4 – Wide-Area Networks

Tuesday, October 19, 2010

නෙට්වර්ක් ඉගෙන ගන්න ආසද...?

මට මේ ලිපිය ලියන්න හිතුනේ Office එකේ ඉන්න වෙලාවක. මොකද අපි හැමෝම නෙට්වර්ක් ගැන කතා කරනවා. නමුත් ආධුනිකයෙක්ට යන්න ඕන පාර කියලා දෙන්න කවුරුත් නෑ.

මමත් දැන් මේ ලොකුවට කෑ ගැහුවට මොනවා ලියන්නද කියලා හිතා ගන්න බෑ. මම කොහොමත් ආස CISCO වලට. ඉතින් මට පුලුවන් පුලුවන් වෙලාවට මම ටික ටික ලියන්නම්. ඉස්සෙල්ලාම Cisco Certification වලින් පටන් ගන්නම්. මොකද IT Field ඉන්න ඉගෙන ගන්න එක වැදගත් වෙනවා.



http://www.cisco.com/web/learning/le3/learning_career_certifications_and_learning_paths_home.html

මම මේ පින්තූරය අටව ගත්තේ Cisco Official Site එකෙන්. ඕනම කෙනෙක්ට www.cisco.com එකට ගිහින් ඕනම විස්තරයක් ගන්න පුලුවන්.

හැබැයි Cisco ගැන මෙහෙම ලියලා ඉවර කරන්න බෑ. මම දන්න ටික ඔයාලට කියලා දෙන්නම්. මොකද මම දන්නෙත් ටිකයි. මම ඊලග ලිපියෙන් CCNA වලින් පටන් ගන්නම්.......

Sunday, October 17, 2010

නුපුරුදු තනිකමක්..............

අද හුග දවසකින් මම නැවතත් මගේ බ්ලොග් පි‍ටුවට ආවා, මොකද අද කවමදාවත් හිතට නොදැනුන පාලුවක්, තනිකමක් හිතට දැනෙන නිසා. මොකද අද මමත් වැලිකතරක තනිවෙලා නිසා. ඉස්සෙල්ලාම ප්‍රභාත්ටත් මේ දේම දැනෙන්න ඇති. වෙලාවකට හිතෙනවා මේ මුදල් හොයාගෙන ආව ගමනේ මම අද තනි වෙලා කියලා. මොකද එදා මං ගාව හිටපු කවුරුත් මං ගාව නෑ. ඒ හැමෝම දැන් මට ඈතයි...............

මොනවා වුනත් මගෙ තනිකම නැති කර ගන්න මම අයෙත් ලියන්න පටන් ගන්නවා. මොකද අපට හිතෙන දේ හිතේ හැටියට ලියාගන්න පුලුවන් නිසා............

Wednesday, August 18, 2010

තව ටික දවසයි................

තව ටික දවසයි මට තියෙන්නේ ලංකාවේ ඉන්න..... මගේ ඊළග ලිපි ලියන්න වෙන්න ලංකාවෙන් පිට ඉදන්...... මේ දවස් වල හැමදේම අත ඇරලා ඉන්නේ............ තව ටික දවසකින් හමුවෙමු....

Wednesday, May 5, 2010

Photo Printing වලට අලුත් නමක්................


පොටෝ ප්‍රින්ට් ගැන කතා කරද්දී ඕන කෙනෙක් දන්න නමක් තමයි නයින්හාට්ස් කියන්නේ. එකදාස් නවසිය හතලිස් ගනන් වලදී ස්ක්‍රින් ප්‍රින්ට් වලින් පොඩියට පටන්ගෙන, 1990 දී පමන ඇනලොග් ප්‍රින්ටින් වලින් පටන්ගෙන අද වෙනකොට digital ප්‍රින්ටින් වලින් ඉමහත් කීර්තියක් ලබා ගෙන ඇත. ඒ විතරක් නෙවෙයි තවත් බොහෝමයක් ක්‍රියදාමයන් වලට මුල් තැන ගත්තේ නයින්හාට්ස්.

කොහොම වුනත් හැමදාම අලුත් වැඩ කරපු 9H දැන් අලුත් වැඩක් පටන් ගෙන යනවා. තව ටික කාලෙකින් නෙගටිව් (Negative) වෙලා Digital වලට හැරෙන්න කලින් දැන්ම ඒකට මුහුන දෙන්න ක්‍රියාමාර්ග අර ගෙන ඉවරයි. මේකත් ඒ වගේ අලුත් කතාවක්, කොටින්ම අපේ භාෂාවෙන් කිව්වොත් හොද කට්ටක් කනවා මේ ටිකේ. කොළබින් පිට බණ්ඩාරවෙල ඉදගෙනයි කට්ට කන්නේ.

මෙච්චර කාලයක් Noritsu 2900, 3200 ප්‍රින්ටින් මැෂින් වෙනුවට අලුත්ම පොඩ්ඩෙක් හදුන්වාදෙන්න යන්නේ..... නමින් TDS ලෙස හදුන්වන්න පුලුවන්. මිල අතින් ඉතාම අඩු වන අතර quality එක පරන මැෂින් වගේම තමයි. මේ පොඩ්ඩා වැඩ අතින් නම් දක්ෂයි වගේ.

මේ දවස් වල අපේ සෙට් එක නාගෙන මේක ටියුන් කරනවා. කොහොම වුනත් වැඩේ දැන් සාර්ථක වීගෙන එනවා. මම දන්න විදියට මැෂින් එකේ විස්තර මෙහෙමයි.

Model TDS-1868
Descriptions Lighting operational,
Integrated with Cutting,
Print Size
1"-12*18"(305*457mm)
Exposure Engine Professional LDD Exposure system, PANDA LCD
Pixe(2048*1556)
Light Source Matrix LED parallel light
Lens system Digital parallel light
Auto Mix-colors Densitometer
Resolution 520DPI(3R)
Monitor 17 inch LCD(support 1280*1024)
Printing speed 600PCS/hour(4R)
Processing technique RA-4
Paper Supply Double paper magazine, load and rewind automatically
Length of Paper Supply 180 meters
Slot Interplaited Roller
Running Cut- Printing, Single in Single out
Paper Width 89, 102, 127, 152, 203, 254, 305(mm)
Photo Paper General traditional photo paper, laser digital photo paper
Tank Volume CD: 13L; BF: 13L; STB1: 13L; STB2: 13L; STB3: 13L
Chemical replenishment Automatically supplied
Dimensions 2015mm(length)*1180mm(width)*1500mm(height)
Weight 380KG(Without chemical)
Power Max. 4.0KW(220V/50Hz)

මේ මැෂින් එක නිර්මානය කරද්දී මූලිකව අපතේ යාම අවම කිරීමටත් මෙහෙයුම් පද්ධතිය, හා මෘදුකාංග ගැන විශාල සැලකිල්ලක් දක්වා තිබෙනවා. Backup & Restore කිරීම පහසු කර ඇති නිසා ඉතා ඉක්මනින් Recovery කර ගැනීමේ හැකියාව තියෙනවා. කොටින්ම කිව්වොත් Down Time එක අඩුයි. මේ ගැන තව දන්න දේවල් ඉදිරියේදී ලියන්නම්.......

Monday, March 22, 2010

ඔබේ පරිඝණකයේ NTLDR is Missing වෙලා තියෙනවද... ?

NTLDR is Missing
Press any key to restart

Boot: Couldn't find NTLDR
Please insert another disk

NTLDR is missing
Press Ctrl Alt Del to Restart


ඔබලටත් මේ NTLDR is Missing කියන ප්‍රශ්නේ ඇවිත් තියෙනවද ?. ගොඩක් වෙලාවට මේක සිදු වෙන්නේ වැඩ කර කර ඉන්න අවස්ථාවක පරිඝණකය Restart හෝ Power failure එකක් සිදු වූ විටයි. සමහර ගොඩක් දෙනා එවිට සිදු කරන්නේ පරිඝණකය Format කිරීමයි. එයට හේතුව, ඇතැම් අවශ්ථා වලදී Windows install කිරීමේදී එය Repair කිරීම නො අසා නැවතත් නව මෙහෙයුම් පද්ධතිය ස්ථාපනය කිරීමට සිදු වීමයී. ඒ තත්වය මේ ආකාරයට විසදා ගන්න පුලුවනි.

1. පලමුව පරිඝණකයේ Biosයට ගොස් එහි Boot Order එක CD-ROM/DVD-ROM එකට වෙනස් කිරීම

2. පසුව පරිඝණකය Restart කර විට එය CD-ROM මගින් Boot වන අතර නව මෙහෙයුම් පද්ධතියක් ස්ථාපන කිරීමට යන විධාන තිරයේ දිස් වෙද්දි, Enter Key එක Press කරන්න.

3. ඉන් පසුව පරිඝණකයට අවශ්‍ය Driver ලබා ගන්නා අතර එය අවසන් වූ විට නව මෙහෙයුම් පද්ධතියක් ස්ථාපනය කිරීම හෝ දැනට පවතින මෙහෙයුම් පද්ධතිය අලුත් වැඩියා කිරීම යන විධානයන් පෙන්වයි. එවිට මෙහෙයුම් පද්ධතිය අලුත් වැඩියා කිරීම සදහා 'R' Press කරන්න

4. පසුව Windows installation මෙනුවට ඇතුල් වීමට '1' Press කරන්න

5. ඉන් පසුව Administrator Password පාස්වර්ඩ් ඇතුල් කිරීමෙන් පසු Windows Repair මෙනුවට ඇතුල් වීමට හැකිය. එවිට C:\Windows:> ලෙස තිරයේ දිස් වනු ඇත.

6. පසුව ntldr හා ntdetect.com යන සිස්ටම් ෆයිල් දෙක C drive තුලට copy කිරීම පහත ආකාරයට සිදුකල හැක. මුලින්ම ඔබගේ CD-ROMහී Drive letter එක මතක තබා ගත යුතුය.

copy e:\i386\ntldr c:\
copy e:\i386\ntdetect.com c:\

මෙහි e:\ ලෙස දැක්වෙන්නේ CD Drive එකයි

7. මෙම ෆයිල් 2ක නිසියාකාරව copy වීමෙන් පසු CD එක එවත් කර පරිඝණකය restart කරන්න. දැන් මෙම ගැටලුව විසදෙනු ඇත.

වැඩි විස්තර මෙතනින් ගන්න.
http://itavenue.blogspot.com/2010/01/ntldr-is-missing-windows-2000xp.html

Wednesday, March 17, 2010

නෙට්වර්ක් නැති වෙලා තියෙනවද..............

මට ටික දවසක් එක දිගටම පොඩි නෙට්වර්ක් අවුලක් ආව. අපි ඉතින් පොඩි තැන් වැඩිය බලන්නේ නෑනේ. Servers වලත් කිසිම ප්‍රශ්නයක් තිබුනේ නෑ. අපේ වැඩ කරන ජනතාව කිව්වේ එයාලට නෙට්වර්ක් නැතුව යනවා, වලට යන්න බෑ කියලා. හොයාගෙන යද්දි වෙලා තියෙන්නේ මෙහෙම දෙයක්.

අපි වයිරස් වලින් බේරෙන්න පාවිච්චි කරන මෘදුකාංගයෙන් ස්පෑම් නතර කරන්න ගිහින් Services වල තියෙන Services stop කරනවා. එතකොට ඒකත් එක්ක එකට වැඩ කරන Services නැවතිලා. බලද්දි මේ එකක්වත් නැවත Start වෙලා නෑ. Service ටික Start කරපු ගමන් මේ ප්‍රශ්නේ විසදුනා. Service වල තියෙන Computer Browser කියන Service එකයි මේ විදියට නවතින්නේ. ඒ Service එක Start කලාම ඒකට link වෙලා තියෙන services නිකන්ම Start වෙනවා. මෙහෙම කලාම computer එක restart නොකර එක දිගටම වැඩ කරගෙන යන්න පුලුවන්......

Tuesday, February 16, 2010

IPv6 ගැන දන්නවාද...... ?

බි‍ටු 32 කින් යුත් IPv4 ලිපිනයන් භාවිතා කිරීමෙන් ඔබ්බට ගොස් නව IPv6 ලිපින භාවිත කිරීමේ කාලය දැන් එළබී ඇත. වඩාත් වැඩි පරිඝණක හා වෙනස් උපාංග සංඛ්‍යාවක් ජාල සදහා එක් කිරීමේ අවශ්‍යතාවක් කුඩා Global Routing Table භාවිතා කිරීමේ හැකියාවක් හා අනවශ්‍ය IPv4 විශේෂාංග එක් කිරීමත් IPv4 ගෙන් IPv6 වෙත යෑමට බලපාන ලද කරුණු ලෙස හදුන්වන්න පුලුවන්.

විශේෂයෙන්ම IPv4 ලිපින අවශ්‍ය තරම් නොපැවතීම (මේ වන විට අවසාන IPv4 ලිපින කිහිපය නිකුත් වෙමින් පවතී) ප්‍රධාන වශයෙන්ම මේ සදහා බලපෑ කරුණක් ලෙස හදුනාගත හැක. NAT භාවිතා කොට මෙය කල හැකි වුවත් එය එතරම් සාර්ථක නොවන නිසා බි‍ටු 128 (128 bit) කින් යුත් ලිපින ලබා දීමට එනම් IPv6 ලිපින ලබා දීමට 1994 දී Toronto IETF හීදී මුල්වරට නිකුත් කරණ ලදි.

එලෙස එළිදක්වන ලද IPv6 ලිපිනයන් හෝ විශේෂත්වයක් ලෙස පෙර කී පරිදි බි‍ටු 128 කින් දිගු ලිපිනයක් වීම (සාමන්‍යයෙන් බි‍ටු 64ක් Network කොටසටද බි‍ටු 64ක් host කොටසටද ලෙස වෙන් කර ගනු ලැබේ.) එක් Host පරිඝණකයක් සදහා IP ලිපින කිහිපයක් ලබා දීමේ හැකියාව Classless Inter Domain Routing (CIDR)අනු ජාල වලට බෙදීමේ හැකියාව ආදිය දැකිය හැක. Network කොටස Network Manager මගින් ද host කොටස MAC ලිපිනය මතද සැකසී තිබීම ද විශේෂත්වයක් ලෙස දැක්විය හැක.

IPv4 ලිපින මෙන්ම Unicast (එක් IP ලිපිනයකට පමනක් දත්ත පැකට්‍ටු සම්ප්‍රේෂණය කිරීම), Multicast (යම්කිසි ලිපිනයකින් කොටසක් සහිත අනු ජාලයක් තුලට පැකට්‍ටු යොමුකරවා අදාළ පරිඝණක සියල්ලටම දත්ත සම්ප්‍රේශණය කිරීම) Anycast (එක් කුමන හෝ පරිඝණකයකට දත්ත සම්ප්‍රේශණය කිරීම. උදා: අනුජාල ලිපිනයන් සලකා එය සහිත ආසන්නම පරිඝණකයට දත්ත සම්ප්‍රේශණය කිරීම) ආදී වශයෙන් වූ ක්‍රමවේද සියල්ලම IPv6 හිදී ද ක්‍රියත්මක කිරිමට හැකියාවක් තිබේ.

කෙසේ නමුත් තම IPv6 හි Broadcast (සියලු දෙනාටම සම්ප්‍රේශණය කිරීම) ක්‍රියාවලියක් නොමැත. මේ ක්‍රියාදාමය Multicast මගින් වඩාත් සාර්ථකව ඉ‍ටු කරනු ලබයි. එමගින් සියලුම බි‍ටු '0' වූ හා '1' වූ ලිපිනද භාවිතා කළ හැක.

සාමාන්‍යයෙන් IPv6 ලිපින බි‍ටු 128 කින් යුක්ත නිසා IPv4 ලිපිනයන්ට වඩා වෙනස් ආකාරයකින් නිරූපණය කරයි. Hexadecimal අංක 4කින් යුත් කොටස් 8ක එකතුවක් ලෙස දක්වයි. නැතහොත් බි‍ටු 16 කොටස් 8ක් ලෙස ලිපිනය දැක්වීම පිළිගත් ක්‍රමයයි. IPv6 පිළිබද තවත් තොරතුරු ඊළග ලිපියෙන් පල කරන්නම්.

කෙසේ වෙතත් දැනට අප අතර ඇති බොහොමයක් පැරණි පරිඝණක IPv4 සදහා නිපදවා නොමැති නිසා ඉදිරි අනාගතයේ විශාල බාධාවක් සිදු වෙන්නට පුලුවනි. කෙසේ වෙතත් දැන් එන සියලු පරිඝණක IPv6 සදහා සකස් කර ඇති නිසා මෙය අනාගතයේදී එතරම් බලපෑමක් සිදු නොවනු ඇත. තව ටික කාලෙකින් IPv4 මෙලොවින් සදහටම සමු ගනු ඇත.

IPv6 හී තවත් බොහෝ කරුණු මාගේ ඉදිරි ලිපි පෙලින් ඔබ තුලට ගෙන ඒමට අදහස් කරනවා. මම කැමතියි ඔබ් දන්න දේත් මේ සමග එකතු කරනවනම්..............

Monday, February 1, 2010

මටත් හිතුනා....

මටත් හිතුනා මම දන්න දෙවල් ඔයාලත් එක්ක බෙදා ගන්න. මොකද පරිඝණක ගැන එක එක්කෙනාගේ අදහස් වෙනස්. ඔන්න ඔයලත් මට මේකට උදවු කරන්න ඕනන හරිද. ඔන්න අද ඉදලා මේ අලුත් වැඩේට මම අත ගැහුවා.